មានហេតុការណ៍ដ៏គួរឱ្យភ្ញាក់ផ្អើលមួយបានកើតឡើង ខណៈដែលសមត្ថកិច្ចបានធ្វើការឃាត់ខ្លួនយុវជនម្នាក់ភ្លាមៗ ក្រោយពីនារីម្នាក់បានធ្វើការប្តឹងបុរសនោះថាបានប៉ុនប៉ងចាប់នាងរំ លោ ភ តែមិនបានសម្រេចដែលការឃាត់ខ្លួននេះ ធ្វើឡើងកាលពីវេលាម៉ោង ៩និង១៥នាទីព្រឹកថ្ងៃទី ២០ ខែតុលា ឆ្នាំ២០២០ នៅចំណុចហាងកាហ្វេមួយកន្លែង តាមបណ្ដោយផ្លូវបេតុង ក្នុងភូមិក្រោលគោ សង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ។
យោងតាមការឱ្យដឹងពីខាងសមត្ថកិច្ចបានឱ្យដឹងថា ជនសង្ស័យម្នាក់ ត្រូវបានកម្លាំងនគរបាលប៉ុស្តិ៍ទួលសង្កែ១ ធ្វើការឃាត់ខ្លួនមានឈ្មោះ ឈុន ភេទប្រុសអាយុ ២៣ឆ្នាំ មានទីលំនៅឃុំអរិយក្សត្រ ស្រុកមុខកំពូល ខេត្តកណ្ដាល។ ចំណែកឯនារីរងគ្រោះ អាយុ ១៨ឆ្នាំ ស្នាក់នៅកើតហេតុខាងលើ។សមត្ថកិច្ចក៏បានបន្តទៀតថា នៅវេលាយប់ថ្ងៃកើតហេតុ ជនរងគ្រោះ និងមិត្តស្រី២នាក់ រួមទាំងជនសង្ស័យម្នាក់ទៀត បានដេកនៅក្នុងបន្ទប់ផ្ទះជួលមួយកន្លែង ស្ថិតក្នុងក្រុមទី៨ ភូមិផ្សារតូច សង្កាត់ទួលសង្កែ១ ខណ្ឌឬស្សីកែវ។
រហូតដល់ម៉ោង ៥ទៀបភ្លឺថ្ងៃទី២០ ខែតុលា ឆ្នាំ២០២០ ជនសង្ស័យឃើញមិត្តភក្តិនារីរងគ្រោះ ដេកលង់លក់អស់ រូបគេបានរង្កិលទៅដេកក្បែរនាង នៅកៀនជញ្ជាំង ហើយយកដៃរបស់គេស្ទាបអង្អែលលើដងខ្លួនរបស់នាង រួចទាញស្រា តខោឈុតដេករបស់នាង ដល់ត្រឹមជង្គុង ប៉ុនប៉ងធ្វើសកម្មភាពរំ លោ ភ តែត្រូវនារីរងគ្រោះដឹងខ្លួនទាន់ បានលើកខោងើបពីដេកក្បែរជញ្ជាំង មកដេកកណ្តាលមិត្តភ័ក្តិវិញ។
មួយសន្ទុះក្រោយមក ជនសង្ស័យបានតាមរត់ទៅដេកក្បែរនារីរងគ្រោះ ហើយធ្វើសកម្មភាពយកដៃរបស់គេ អង្អែលថ្នមៗទៅលើដងខ្លួនរបស់នារីរងគ្រោះ ព្រមទាំងទាញខោឈុតស្រា តដល់ត្រឹមជង្គុងដូចមុន ហើយប៉ងធ្វើសកម្មភាពលើកទី២ តែត្រូវនារីរងគ្រោះដឹងខ្លួនទាន់ បានរត់ឡើងទៅប្រាប់មិត្តស្រី ដែលកំពុងដេកនៅក្នុងបន្ទប់ឡៅតឿជាន់ខាងលើ បង្កឲ្យមានការភ្ញាក់ផ្អើល។ភ្លាមៗនោះជនសង្ស័យ បានបើកទ្វារជិះម៉ូតូរត់គេចខ្លួនបាត់។ លុះព្រឹកឡើងថ្ងៃទី ២០ ខែតុលា ឆ្នាំ ២០២០ នារីរងគ្រោះបានមកដាក់ពាក្យបណ្ដឹង នៅប៉ុស្តិ៍នគរបាលរដ្ឋបាលទួលសង្កែ១ ដើម្បីឲ្យជួយអន្តរាគមន៍ ឃាត់ខ្លួនជនសង្ស័យ
ហើយសមត្ថកិច្ចក៏បានធ្វើការឃាត់ខ្លួនបាននៅចំណុចហាងកាហ្វេមួយកន្លែង តាមបណ្ដោយផ្លូវបេតុងភូមិក្រោលគោ សង្កាត់គីឡូម៉ែត្រលេខ៦ យកមកសាកសួរនៅប៉ុស្តិ៍នគរបាលរដ្ឋបាលទួលសង្កែ១ ដើម្បីកសាងសំណុំរឿង បញ្ជូនទៅតុលាការចាត់ការទៅតាមនីតិវិធី៕
