ផ្អើលពេញហ្វេសបុក! ម្ចាស់ត្រីប្រលាក់ប្រកាសជាសាធារណៈបែបនេះតែម្តង ក្រោយឃើញវីដេអូចោរលួចត្រីប្រលាក់ខ្លួនហាលមុខផ្ទះ

កាលពីពេលថ្មីៗនេះមានហេតុការណ៍ដ៏គួរឱ្យភ្ញាក់ផ្អើលមួយបានកើតឡើងខណៈដែលមានធ្លាប់តែមានករណីចោរឆក់កាបូប ឬធ្វើសកម្មភាពលួចរបស់របរផ្សេងៗដែលមានតម្លៃ ប៉ុន្តែលើកនេះបែរជាមានករណីដ៏គួរឱ្យអស់សំណើចមួយបានកើតឡើងខណៈដែលមានបុរសម្នាក់ជិះម៉ូតូមកធ្វើសកម្មភាពលួចត្រីប្រលាក់ ដែលម្ចាស់បានហាលនៅមុខផ្ទះទោវិញ ដែលករណីឆក់​យក​ត្រីប្រឡាក់​នេះ បាន​កើតឡើង​កាលពី​ម៉ោង​១១​និង​៥៧​នាទី ព្រឹក​ថ្ងៃ​ទី​៣០ ខែកក្កដា ឆ្នាំ​២០២០​នេះ ដោយមិនទាន់ដឹងកើតឡើងនៅត្រង់ចំណុចទីកន្លែងណា​នៅឡើយ​ទេ។

យោងតាមវីដេអូដែលត្រូវបានគេបង្ហោះចែកចាយពេញបណ្តាញសង្គមបានបង្ហាញឱ្យដឹងថា មាន​បុរស​ម្នាក់ បាន​ជិះ​ម៉ូតូ​ម៉ាក គុប​ជ្រុង​១​គ្រឿង ស្លាក​លេខ​ម៉ូតូ មិនត្រូវបានកេមើលស្គាល់នោះទេ ហើយបុរសនោះបានជិះម៉ូតូមក​ធ្វើ​សកម្មភាព​ឆក់​យក​ចង្អេរ មាន​ត្រីប្រឡាក់ ដែលម្ចាស់បានដាក់ហាលនៅមុខផ្ទះបាន​សម្រេច ហើយក៏បាន​ជិះ​ម៉ូតូ​ចេញ​ទៅ​បាត់តែម្តង។

ពាក់ព័ន្ធនឹងករណីការឆក់យកត្រីប្រលាក់ដែលហាលមុខផ្ទះនេះផងដែរ គឺពេលនេះមានគណនីហ្វេសបុកមួយដែលមានឈ្មោះថា Sotheany បានចេញមកអះអាងថាខ្លួនជាម្ចាស់ត្រីប្រលាក់នោះ ហើយគណនីហ្វេសបុកខាងលើក៏បានធ្វើការបង្ហោះសារសុំទោសទៅដល់លោកចោរទុកជាមុនផងដែរ ខ្លាចក្រែងស្នាដៃប្រលាក់ត្រីរបស់ខ្លួនមិនឆ្ងាញ់ ឬមិនត្រូវមាត់ ដោយក្នុងនោះម្ចាស់គណនីហ្វេសបុកនេះបានសរសេរថា៖ «​សុំ​ទោស​លោក​ចោរ បើ​យក​ទៅ​ញ៉ាំ សាប​រឺ​ប្រៃ តែបើ​មាត់​ខ្ញុំ​ល្មម​ឆ្ងាញ់​» ៕

Add Comment

%d bloggers like this: